tag:blogger.com,1999:blog-32801791572084233962011-07-07T22:52:55.840-07:00പി.ആര്. ഹരികുമാറിന്റെ കഥകള്Keralakavithahttp://www.blogger.com/profile/02098304017043295309noreply@blogger.comBlogger11100tag:blogger.com,1999:blog-3280179157208423396.post-78615837112882248322007-09-07T21:00:00.000-07:002010-10-01T06:01:40.046-07:00ജാലകംഎന്റെ ജനാലയ്ക്കല് ഞാനെപ്പോഴും ആരെയോ പ്രതീക്ഷിക്കുന്നു. സൌഹൃദഭാവത്തില് പുഞ്ചിരിക്കുന്ന സാന്ത്വനത്തിന്റെ സ്വരമുള്ള ഒരു മുഖം പ്രതീക്ഷകള്ക്കുമേല് ഞാനറിയാതെജീവിക്കുന്നു. എന്റെ ഈ ചെറിയ ജീവിതം തന്നെ അതായി മാറുന്നത് ഞാനറിയാതിരുന്നില്ല. അനേകം തിരുത്തലുകള്ക്കു ശേഷവും തെളിഞ്ഞുവരുന്ന ഒരു തെറ്റുപോലെ ആ പ്രതീക്ഷ എന്റെ ദിവസങ്ങള്ക്കുമേല് കുരുങ്ങിനിന്നു. ആ തെറ്റിനു മീതെ അജ്ഞാതമായ ഏതോ ശരി കണ്ടെത്താനുള്ള മോഹവുമായി ഞാന് അലഞ്ഞുകൊണ്ടിരുന്നു.പിടിവിട്ടോടുന്ന ഒരു മനസ്സിനു പിറകേ പായേണ്ടി വരിക എന്നത് എന്റെ അവസാനമില്ലാത്തവിധിയായിരുന്നു.<br /><br />ഉള്ളില് ചിന്തകള് പെരുകി മനസ്സ് മുറുകുമ്പോള് വളരെ യാന്ത്രികമായി ഞാന് ഇരുമനസ്സുകളില് തിളക്കമായെത്തുന്ന പ്രേമത്തെക്കുറിച്ചും വലിയ നഗരങ്ങളിലെ മുഖമില്ലാത്ത മനുഷ്യരെക്കുറിച്ചും ഓര്ക്കാന് ശ്രമിക്കും. എന്നാല്, എല്ലാ ഓര്മകളാലും നയിക്കപ്പെട്ട് ഞാനൊടുവില് എത്തിച്ചേരുന്നത് പ്രതീക്ഷയുറങ്ങുന്ന ആ ജനാലയ്ക്കല് തന്നെയായിരിക്കും. അതിനു പിന്നില് തെളിഞ്ഞേക്കാവുന്ന മുഖത്തെ അദൃശ്യമായ പുഞ്ചിരിയില് എന്റെ മനസ്സിന്റെ ഇല്ലാത്ത തിളക്കം ഒരോര്മയാകും.ജനാല ഒഴിഞ്ഞുതന്നെ കിടന്നു. ജനാലയ്ക്കിപ്പുറം ഞാനും എന്റെ പ്രതീക്ഷയും വെറുതെ തലനീട്ടി നിന്നു. ജനാലയ്ക്കപ്പുറം ഋതുക്കളുടെ നിറം മാറിക്കൊണ്ടിരുന്നു...<br /><br />ഒടുവില് ലോകമാകെ ഉറങ്ങുന്ന ഒരവസരത്തില് നിരാശതയിലേക്ക് വഴുതിവീണുകൊണ്ടിരുന്ന എന്റെ പിടിവള്ളികള് ജനാലയ്ക്കല് ഉറച്ചു.അവസാനശ്രമമെന്ന മട്ടില് ഞാനവ തള്ളിത്തുറന്നു.ജനാലയ്ക്കു പിന്നില് പുകയുന്ന ഇരുള് മാത്രം വെറുതെ നിറഞ്ഞു.അവസാനശ്രമവും വിഫലമായതില് മനംമടുപ്പോടെ ജനല്പ്പാളികള് വീണ്ടും അടയ്ക്കാന് തുനിയുമ്പോള് ആ ഇരുള് മുറിക്കുള്ളിലേക്ക് ചെറുചിരിയോടെ കയറി വരുന്നതായി ഞാന് കണ്ടു. ()<div class="blogger-post-footer"><img width='1' height='1' src='https://blogger.googleusercontent.com/tracker/3280179157208423396-7861583711288224832?l=kathalokam.blogspot.com' alt='' /></div>Keralakavithahttp://www.blogger.com/profile/02098304017043295309noreply@blogger.com0